I Wanna Make You Smile

CHAPTER 11

Meet the Gimikeros and the Gimikeras

NATHAN RUSSELL

Nandito na kami sa Nature Bar na sinasabi ni Arvin, in all fairness maganda at unique nga ang bar na ‘to at madaming magandang babae. Mukang magiging tambayan ko ‘to kapag stress ako at hindi busy ah. “Pare!” tawag sa amin ni Arvin, nauna na kasi sya dito, excited sya eh. “Tara na sa loob, nagpa-reserved na ako ng table para sa atin. Sigurado ako na magugustuhan nyo dito.” Lagi sigurong nandito si Arvin. “He hope so Vin. Anyway, nasaan na ba yung sinasabi mong may-ari ng bar na ‘to na maganda at sexy? I want to meet her already.” Eto talagang si Gino, pagdating sa babae hindi ko maunahan. “Tara na muna sa loob, mamaya mo na intindihin yung may-ari, and mabuti kung nandito ngayon.” Sumagot naman agad tong si Arvin na alam yata ag schedule nung may-ari. “Nandyan sya ngayon, nakita ko kasi yung mga kaibigan nya eh. Pero pare, baka magtaka ka ha, hindi tomboy yung may-ari nitong bar, talagang halos puro lalake lang talaga ang mga kaibigan nya.” Paalala ni Arvin kay Gino. Oo, si Gino ang pina-alalahan ni Arvin dahil hindi naman ako masyadong interesado sa may-ari ng bar na ‘to. “Let’s get going.” Excited din tong si Gino ha. Ano nga kaya itchura nung may-ari nito, maganda nga kaya? Maganda nga siguro, sabi ni Arvin na magaling titingin ng maganda o hindi na babae.

Maganda nga sa loob, halatang may class ang bar na sinasabi ni Arvin. Pati ang mga chairs, tables, and other furnitures ng bar ay unique. Mukang mayayaman ang customers ng bar na ‘to ah, makikita mo sa ayos ng mga nandito ngayon. Ang daming babae sa dance floor, pati na rin sa mga tables. Mostly girls ang nandito, pero marami rin namang lalake at kami ang iba doon. We reached the table that’s reserved for us. Malayo sa dance floor ang table namin, pero kitang-kita pa rin ang mga magandang babae sa table namin. Napansin ko na may grupo ng mga lalake sa hindi kalayuan at mukang nagkakasiyahan sila. Merong iba na may kasamang babae pero yung iba wala, sana naman walang mangyaring hindi maganda tonight. Takaw-gulo pa naman tong si Gino at Arvin.

VERONICA SALVADOR

“Alam mo Pol malapit na talaga kitang sipain palabas ng bar na to.” Nakakahigh-blood ang barista ko na to, my gawd. “Eh kasi naman po Mam Nicky, ako ang kinukulit ni Gabby.” Sumasagot pa, ibang klase talaga. “Naku ka Appollo Estrella, dun ka na nga. Nasaan si Aira?” si Aira eh, isa ring barista, sya ang nag-iisang babae na barista ko, magaling syang gagawa ng Piñacolada, ang favorite kong drink maliban sa wine. “Nag-CR lang po mam.” natakot yata si Pol, Mam ang tawag sa akin eh. Hahaha! Teka, nasaan na ba ang mga mokong nayon? Nandito na rin kaya sila Janice at Aya? Malamang nasa paborito na naman nilang pwesto yun.

“Hi Nicky!” sya si Robby, isa sa gimikero ko na madalas dito. “May set ka ba mamaya?” sapakin ko kaya tong lalake na to, alam naman na Lunes ngayon nagtatanong pa kung may set ako ngayon. “Ano ka ba Robby, hindi ka na nasanay. Monday ngayon so wala akong set. Anyway, enjoy!”

Next na madadaanan kong table ay table ng magagandang babae na sila Jaime. “Hi Nicky, may bago kang gimikero tonight. Infairness, gwapo sila pareho.” May bago ba? hindi ko pa nakikita. “Ang linaw talaga ng mga mata nyo girls when it comes to boys. Hindi ko pa nakikita yung mga bago eh.” Like what I’ve said, close ako sa lahat ng mga gumigimik sa bar ko, siguro isang factor yon kung bakit gusto nila dito. “Ipakilala mo kami sa kanila mamaya ha. Anyway Nicky, nice outfit. Fashionista ka talagang babae ka.” Nagpasalamat ako sa kanya at umalis na.

This is what I’m wearing tonight. Eto kasi yung una kong nakuha sa wardrobe ko eh…

Sino naman kaya ang susunod na babati sa akin? “Hoy Nicky” nasagot agad ang tanong ko sa sarili ko, si TJ pala ang susunod na babati sa akin, ang isa sa mga playboy kong kaibigan. “Ang tagal mo naman, kanina pa kami dito ah.” Sino ba naman kasi ang nagsabi sa kanila na pumunta agad sila dito? Alam naman nila kung anong oras ang punta ko dito. “Pasensya naman, nasaan na si Janice at Gabby? Lagi na lang may issue ang dalawang yun eh.” So walang gustong sumagot sa tanong ko kasi busy silang lahat sa partners nila? Good thing nakita ko na si Janice na kakagaling lang ng CR. “Wala kayong libreng drinks ngayon.” Mga bwisit na nilalang na to, ang galing nila kapag sila ang nagtatanong, pero kapag ako na ang nagtanong, ayaw nila akong sagutin. Nakaka-bwisit, maka-alis na nga dito sa table nila. Grr…

Nakaka-inis sila, nakaka-inis talaga… “Aira, isang Piñacolada nga jan.” wala naman talaga akong balak uminom ng kahit na anong klaseng drinks ngayon dahil hindi ko pa natatapos ang payroll ko, pero ang mga bwisit na sina TJ eh sinira ang gabi ko. “Nicky, eto na oh. May balak ka bang maglasing tonight? Diba payroll mo pa bukas sa ACC tapos gagawa ka na din ng payroll dito bukas?” oo nga pala, nakalimutan ko ako nga rin pala ang gumagawa ng payroll dito, shete! “Isisingit ko na lang bukas sa break ko, buti na lang pina-alala mo Aira. Thanks.” Oo nga pala, hanggang ngayon hindi ko pa rin nakikita yung bagong mga gimikero. “Aira, may nakita ka bang mga bagong muka dito sa bar? Sabi kasi ni Jaime may mga bago daw eh.” Mukang wala rin nakita tong si Aira ah. “Ay oo Nicky, mga kaibigan ni Arvin. Dalawa yung nakita ko na kasama nya eh. Ang pogi nga pareho nung bago nyang kasama eh.” Mali pala ako, may nakita pala si Aira, narinig mo ba yung sinabi nya? Ang cute daw nung dalawa naming bagong gimikero. Nicky kailan ka pa nahilig sa cute? “Ayaw mo na kay Arvin? Hahaha!” crush kasi nitong barista ko ang isa sa mga tanga-hanga ko na si Arvin, pero alam naman ni Aira na hindi ko gusto ang mokong na yon. “Naku Nicky, walang sinabi yung si Arvin sa itchura nung mga kasama nya ngayong gabi.” Kagaya ng nakasanayan, kailangan kong lapitan ang mga bagong customers at magtanong ng “are you enjoying the night? How do you find the place?” lagi yan, kapag may mga bagong salta sa bar namin ng ate ko. “Puntahan ko lang yung mga bagong customers, alam mo na. Paki-tabi na lang din yang drinks ko. Thanks. Ikakamusta na rin kita kay Arvin mo.” Ewan ko ba kay Arvin at ako ang trip, samantalang maganda naman si Aira, classy ang ganda na taglay ng babae kong barista. Yung si Appollo-ko-loko, may itchura din yan, kaya nga ang laki ng tip na nakukuha nya gabi-gabi mula sa mga gimikera ko eh. Pero hindi naman sya selfish, tinatabi nila yung mga tip nila tapos hinahati nila kapag sweldo na.

Teka, saan nga ba naka-pwesto yung mga yun? Ang engot mo talaga Nicky kung minsan eh. “Roni!” alam ko na kung sinong tumatawag sa akin, RONI daw eh. Nag-iisa lang naman ang gimikero ko na tumatawag sa akin sa pangalan na yan, walang iba kundi si ARVIN. “Roni, may mga bago kaong kasama, gusto ka nilang makilala eh.” Juice ko Arvin, kung alam mo lang na balak ko na talagang hagilapin kayo. “Talaga? Mga kaibigan mo? Anyway, kina-kamusta ka nga pala ng maganda kong barista na si Aira.” Hahaha! May tinatago din naman palang funny side tong si Arvin eh, sumimangot ba ng marinig ang pangalan ni Aira, nalukot tuloy ang ilong nya. Hahaha! “Eh para san naman yang simangot na yan? Wag kang sisimangot ng ganyan sa kanya, baka lalong mahulog sayo yung tao.” Tumingin sya sa direction ni Aira pero hindi naman nakatingin sa kanya. “Roni, tara na nga don sa table namin, ipapakilala kita sa kanila. Excited na silang makilala ka eh.” Eh mukang mas excited pa sya kesa sa mga kaibigan nya eh, parang bata lang na nakita ang kalaro nya.

“Nicky!” sino na naman ba yung tumatawag sa akin? Paglingon ko nakita ko si Gabby, ang impaktong si Gabby. “Ah, sandali lang Arvin ha, kakausapin ko lang yung mga kaibigan ko. Promise, after ko silang kausapin puntahan ko kayo ng mga kaibigan mo. Ok?” tinuro nya sa akin kung saan sila naka-pwesto. Nakita ko na meron dalawang lalake dun sa table na tinuro nya, kaya lang hindi ko masyadong nakita yung mga itchura nila bilang madilim sa pwesto nila. “Sige Arvin!” nakalapit na sa akin si Gabby sabay banat ng “bakit ka nag walk-out kanina? Niloloko ka lang nila eh, hindi ka na nasanay sa mga timang nating kaibigan.” Whatever Gabby, hindi ako interesado sa explanation mo dahil naiinis pa rin ako sa kanila. “Nasaan na si Janice? Ok na ba kayo, nagka-usap na kayo?” ano pa nga ba ang isasagot nitong impaktong lalake na to, eh di syempre HINDI PA. Ang galing sa pamba-babae, tapos kausapin ang gf hindi magawa. Pag-ibig nga naman.