I Wanna Make You Smile

CHAPTER 8

Meron o Wala? Is this what you called LOVE?

MAAN DELA ROSA

“Napansin nyo ba?” eto talagang si Grace lagi na lang may napapansin. “Parang may gusto si Sir sa kaibigan nating alanganin.” Napansin ko din naman yon, kaya lang mas pinili ko na hindi na lang banggitin sa kanila. “ano ka ba naman Grace, hindi naman nakakapag-taka yon no, maganda rin naman ang lukang si Nicky.” Tama naman ang sinabi ni Maegan, maganda naman si Nicky yun nga lang, para syang lalaki kung kumilos kung minsan, pati ang magsalita. Hindi mo nga mahahalata sa kanya na mayaman sya kapag nagsalita na sya eh, malalaman mo na mayaman sya kapag nakita mo kung paano sya pumorma, at kapag nakita mo sya sakay ng kotse nya.

Hindi ko nga alam sa babaeng yun kung bakit pa sya nagtya-tyaga dito eh, may business naman na sila ng ate nya. Pero ok na rin yon, at least nakilala namin sya. “Alam nyo, napaka-malisyosa nyo talaga. Malay naman natin kung natuwa lang si Sir sa kanya dahil sa ugali na meron ang kaibigan natin na yon.” Nakarating na rin kami ng CR para makapag-toothbrush at hindi na naming inabutan doon si Nicky, ayaw na ayaw kasi nun ng hinihintay sya kasi ayaw din nya ng naghihintay. “Ano ka ba naman Maan, bulag ka ba? Hindi mo ba nakita kung paano titigan ni Sir si Nicky kapag nagsasalita? At saka hindi mo rin ba napansin kanina na sinabayan pa ni Sir si Veronica Mancini Salvador papunta sa cafeteria?” grabe talaga tong si Grace, akala ko kanina super busy sa pakikipag-daldalan sa akin, yun pala naglalakbay ang mga mata nya. Oo nga pala, half-Italian at half-Filipino si Nicky kaya Mancini ang middle name nya.

“Oo nga naman Maan, napansin ko din yon noh. Infairness naman sa kanila, bagay sila.” Isa pa tong si Maegan, akala ko wala ng ibang napapansin kapag usapang pagkain na. “Bagay na kung sa bagay, pero ang malaking tanong ay kung type din ba ng bruha si Sir? Alam naman nating tatlo na may pagka-Bitter Ocampo ang lola nyo when it comes to love kahit never pang nagkaron ng jowa.” Ewan ko ba kay Nicky kung bakit ang tingin nya sa love ay sakit lang sa ulo at puso, to think na never pa naman syang nagkaroon ng bf. “Eh kasi naman ang babaeng yan, ang laging kasama eh yung mga barkada nyang lalake na ang laging alam gawin ay magpatulong kay Nicky na ayusin lahat ng problema nila sa mga gf nila. Kaya siguro natakot na si Nicky na mag-boyfriend kasi lagi nyang nakikita yung mga gf ng mga kaibigan nya eh laging umiiyak at niloloko ng lalake.” Tama si Grace, iyan talaga ang isa sa dahilan ni Nicky kung bakit ayaw nyang ma in-love, dahil natatakot sya na mangyari sa kanya ang mga nangyayare sa amin at sa gf ng mga kaibigan nya.

Mamaya magkikita-kita na naman sila ng mga kaibigan nya para ayusin ang away nung Gabby at Janice. Paano pa nga magkakaron ng bf tong si Nicky eh, sa pag-aayos lang ng gulo ng mga kaibigan nya sa love life eh kulang pa ang oras nya? Kawawang Nicky. “Hoy, bilisan nyo na jan, daldal kayo ng daldal jan. Maegan baka nakakalimutan mo, ikaw ang gagawa ng payroll ngayon, wala si Nicky.” “Oo nga pala, tara na. Bwisit talaga ang Dragonesa na yun eh, sa akin pa binigay ang sakit sa ulo na payroll na yon, pwede naman na kay Grace na lang. hahaha.” Ayaw naming lahat na mapunta sa payroll dahil ang dami-dami mong kailangan doon, pero ang kakaiba lang na si Nicky ang tumanggap ng trabaho na yon ng bukal sa kanyang loob. At dahil doon, saludo kaming tatlo sa kanya dahil kaya nya ang pressure kapag end of the month na. Imagine, hindi lang payroll ang kailangan nyang gawin noon, kailangan pa rin nyang mag-audit sa mga pera na nilabas pera the that month. Tapos kailangan din nya na mag-inventory at mag-audit sa business nila ng ate nya. Isa syang SUPER WOMAN, ay hindi pala super woman, SUPER GIRL lang pala.

NATHAN RUSSELL

Hindi ko alam kung bakit natutuwa ako kapag kausap o kahit makita ko lang ang makulit na si Nicky. Is this love? Hindi naman siguro, maybe nakikita ko lang si Natasha kay Nicky. Pareho silang carefree, makulit, maganda at friendly but that doesn’t mean na mahal ko na din si Nicky. I don’t believe in love at first sight, I’m not a fanatic of that line.

“Kumain ka na ba Belle? You can take your lunch now.” Tanong ko sa kanya ng may ngiti sa mga labi, masaya ako eh. “You look happy Sir, something nice happened? Anyway Sir, I’ll just take my lunch. Ipa-page nyo na lang po kayo kapag may kailangan kayo. I’ll go ahead sir.” Masaya lang siguro ako kasi ang light lang ng first day ko as CEO. Oh, damn I forgot I have a meeting with Mr. Howard at one in the afternoon. “Ms. Alarcon wait, what’s my schedule again at 1pm?” sana ina-cancel ni Mr. Howard yung meeting namin later. “Sir you’ll have a meeting with Mr. Howard of Hand Steel Corp., sa kanila po tayo kumukuha ng mga steel bars na ginagamit sa mga approved projects.” Hindi ba yun pwedeng i-cancel? Paano ko makikita at makaka-usap si Nicky nito? Gusto ko pa naman syang tinititigan sa malapitan kasi ang ganda-ganda nya, parang si Tasha lang. “Ah, I see. Go ahead Belle and eat lunch.”

Matawagan na nga lang si Gino, habang hinihintay ko si Nicky. “Hello Gino, kamusta na pare?” mas nauna sa akin na lumipad papunta dito sa Pilipinas si Gino dahil pina-uuwi sya ng Mama nya. “Pare eto, ok naman mejo nababato nga lang dahil walang bago eh.” Hindi pa rin nagbabago ang bestfriend ko na ‘to, chickboy pa rin hanggang ngayon. “Gimik tayo mamaya, gusto mo? Hanap tayo ng bago mo. Hahaha.” Sya lang ang hahanap dahil nakita ko na yung akin, at ayokong ipakita yung image ko sa kanya na playboy ako. But that was before pa naman so ibaon na natin yun sa limot. “Bago ko lang pare? You mean to say hindi ka hahanap dahil may nakita ka na? Ipakilala mo naman ako sa bago mo.” Ipapakilala ko ba si Nicky sa kanya o wag na lang? “Pare, wala akong bago ngayon, ayoko lang ng sakit ng ulo ngayon dahil hindi pa ako nakakapag-adjust sa schedule ko at trabaho na meron ako ngayon. Alam mo na.” yan ang mga palusot. Baka kasi mamaya, magustuhan din nya si Nicky diba, mahirap na, pareho pa naman kami ng type. Nathan Russell, type mo na talaga si Nicky! Sa bibig mo na mismo nanggaling, tapos natatakot ka pa na baka magustuhan din ng bestfriend mo na si Gino. Patay tayo jan Boss Nathan, yan na ang sumpang binitawan ng magaling mong kapatid na si Natasha Russell. “Saan naman tayo mamaya pare? Kailangan dun sa maraming babae at masaya. Tamang-tama, pa-welcome party mo na rin yon. Hahaha. Nung isang lingo ka pa dumating dito, ngayon mo lang naisipan na mag-aya na lumabas.” I intended not to go out last week since I’m busy reading paper that concerns the company, and I’m also busy fixing and arranging my house since I arrived. “Busy kasi ako pare sa pag-aayos ng bahay, independent living na ako ngayon Gino.” Pero may katulong pa rin naman ako, I can’t live without them. “So, pwede ka ng magdala ng babae sa bahay mo anytime you want. Hahaha.” At first yun din ang pumasok sa utak ko, at last I’m free. Pero parang hindi na ganon ang gusto ko. Parang mas ok kung isang babae lang ang makakarating sa bagong bahay ko. Nathan Russell, alam mong imposibleng mangyari yun eh. Isipin mong mabuti, hindi mo naman mapapapunta ang isang babae na katulad ni Nicky na sa bahay mo ng sya lang mag-isa, malamang kasama nya ang mga kaibigan nya. “Puro babae pa rin ang nasa utak mo hanggang ngayon, magbago ka na pare. Hahaha. Pare, I need to say goodbye for now. May meeting ako ngayong 1pm eh.”

I need to go now where Mr. Howard and I should meet. Teka naman, saan nga ba kami magkikita? “Hello Ms. Alarcon, saan ba ang meeting namin ni Mr. Howard?” ang engot ko diba, hindi ko alam kung saan kami magkikita. “Sir sa Brooklyn Hotel po, may naka-reserve po na table for two para sa inyo ni Mr. Howard.” Malapit lang naman pala dito. “Ok thanks. Enjoy your lunch, and if someone look for me, tell them that I’m in out and I have a meeting with Mr. Howard. Baka hindi na rin ako makabalik jan. I’ll call you kung later kung saan naman ang meeting namin ni Mr. Roxas.” Dadalawin ko na si Tita, for sure nagtatampo na ang Mommy ni Gino. “That’s noted Sir. Ingat na lang po.”